(Egyptian Edition)
"Everything you need to know about
vaccines in Egypt"
مش بس للوقاية من الإلتهاب الرئوي، لكن كمان من تسمم الدم، إلتهاب الأذن الوسطى، وإلتهاب السحايا اللي بتسببه بكتيريا "Streptococcus pneumoniae".
في فصايل كتير من البكتيريا دي، وفي مصر 4 أنواع مقترنة:
• PCV10 (10 فصايل): للأطفال، ومينفعش بعد 5 سنين.
• PCV13 (13 فصيلة): ينفع من 6 أسابيع لأي سن، حتى الكبار.
• PCV15 (15 فصيلة): ينفع من 6 أسابيع للأطفال والكبار، وبيغطي فصايل PCV13 زائد فصيلتين إضافيتين.
• PCV20 (20 فصيلة): ينفع من 6 أسابيع للأطفال والكبار، وبيغطي فصايل PCV15 زائد خمس فصايل إضافية.
التطعيم ممكن يتاخد بداية من ستة أسابيع.
عدد الجرعات بيكون حسب سن متلقي التطعيم والجرعات في الأنواع الأربعة للأطفال زي بعض لحد سن السنتين (ما عدا PCV15 اللي ممكن يتاخد جرعتين فقط قبل سن السبع شهور مكان ثلاث جرعات)
• لو كان عمر الطفل اقل من سبع شهور، هياخد تلات جرعات، والجرعة المنشطة بين الشهر ال١١ وال ١٥ من العمر.
• ولو كان عمره من سبعة شهور لسنة، هياخد جرعتين بينهم شهرين، والتالتة المنشطة في السنة التانية من العمر.
• ولو كان عمره من سنه لسنتين يبقي جرعتين بينهم شهرين.
• لو سنه وقت اول جرعه سنتين او أكبر وهياخد PCV13 أو PCV15 أو PCV20 يبقى جرعه واحده، ولو كان PCV10 ولحد سن خمس سنوات هيبقي جرعتين بينهم شهرين.
• ممكن الكبار ياخدوا PCV13 أو PCV15 أو PCV20 — جرعة واحدة.
موانع التطعيم: ارتفاع درجة الحرارة.